Балалар мен жасөспірімдерге жыныстық тәрбие берудің маңыздылығы талқыланған «Жасырын жара» бағдарламасына Қарағанды облыстық ЖИТС орталығының алдын алу бөлімінің меңгерушісі, эпидемиолог Тулекбаева Нағима Таштайқызы қатысты.
Әңгіме барысында ол АИТВ-инфекциясының таралу жолдарының бірі жыныстық қатынас екенін атап өтті. Сондықтан алдын алу шараларын білу және оларды қолдану қажет. Сонымен қатар АИТВ-ның ерекшеліктері, берілу жолдары, диагностикасы мен емдеу әдістері туралы айтты.
ЖИТС орталығының мамандары қаланың жоғары сынып оқушыларымен және студенттерімен үнемі кездесулер өткізіп, онда АИТВ-ның таралу жолдары мен алдын алу шаралары туралы әңгімелейді. Бірақ ерте жүктілік, қорғаныссыз жыныстық қатынас салдары отбасында да, мектепте де талқылануы керек. Тақырыпты тығырыққа тіреу тек жағдайды нашарлатады, — деп түйіндеді эпидемиолог Нағима Таштайқызы.