ВИЧ туралы білімді арттыру мақсатында Қарағанды ЖИТС орталығының дәрігер-эпидемиологы Р. Исабаева «№ 2 емхана» КМК медицина қызметкерлеріне арналған семинар өткізді.
Кездесу барысында ол 2024 жылғы облыстағы эпидемиологиялық жағдай туралы ақпарат берді; АИТВ-инфекциясына қатысты нормативтік актілерді қарады. Сондай-ақ, лауазымдық міндеттерін орындау кезіндегі авариялық жағдайлар тақырыбы және олар туындаған кездегі іс-қимылдар алгоритмі пысықталды.
АИТВ-мен өмір сүретін адамдарды кемсітуге және стигматизациялауға жол бермеуге және оларға төзімді қарым-қатынасты қалыптастыруға ерекше назар аударылды.
Семинарға 28 медицина қызметкері қатысып, орталықтың ЖИТС маманы дайындаған ақпаратты тыңдап қана қоймай, өздерін қызықтырған сұрақтарын қойып, тиісті жауаптар алды.