1 желтоқсанда «Таир» сауда үйінде Дүниежүзілік ЖИТС-ке қарсы күрес күніне арналған іс-шаралар аясында Қарағанды облыстық ЖИТС орталығының мамандары Қарағанды қаласының тұрғындары мен қонақтарына арналған іс-шара өткізді. Шара барысында азаматтарға атаулы датаның мақсаты түсіндіріліп, АИТВ-инфекциясы және инфекцияның алдын алу шаралары туралы айтып, қауіпті жағдайларсыз салауатты өмір салтын ұстануға шақырды.
Олар сондай-ақ бұл күннің осы инфекцияға байланысты стереотиптерді жоюға, АИТВ-мен өмір сүретін адамдарға қатысты стигма мен кемсітушілікті жоюға бағытталғанына назар аударды. Барлық қатысушыларға естелік тақырыптық сыйлықтар табыс етіліп, денсаулықтарына қамқорлық тіледі.