2025 жылдың басында Қарағанды облыстық ЖИТС орталығының мамандары студент жастар арасында АИТВ жұқтырудың алдын алу шаралары бойынша ақпараттық жұмыс жүргізуді жалғастырды.
Қарағанды технология және сервис колледжінде 150 студентті қамтыған дәрісті ЖИТС орталығының маманы Г. Усманова өткізді.
Ол өз сөзінде аудиторияға вирус, оның адам ағзасына теріс әсері, жұқтыру жолдары мен инфекцияның алдын алу шаралары туралы айтып берді.
Сондай-ақ, дәріскер АИТВ-мен өмір сүретін адамдарды кемсітуге және стигматизациялауға жол бермеуге назар аударды.
– АИТВ жасына, жынысына, әлеуметтік мәртебесіне қарамастан кез келген адамға қатысты болуы мүмкін. Сондықтан АИТВ-мен ауыратын адамдарға толеранттық қарым-қатынас олардың уақытылы емделуін бастауға, вирустық жүктемені азайтуға және вирустың таралуын тоқтатуға көмектеседі.
Сондай-ақ, әркім өзінің АИТВ-мәртебесін білуі, қарапайым сақтық шараларын сақтауы және ақталмаған қауіпті мінез-құлықтан аулақ болуы маңызды, — деп атап өтті Г. Усманова.
Ақпараттық блоктан кейін тыңдаушылар маманға сұрақтар қойып, оларға жауаптар алды.