Вирус аурудың белгілері пайда болғанға дейін денеде бірнеше жыл болуы мүмкін. Бірнеше апта ішінде жұқтырғандардың үштен бірінде жедел респираторлық ауруға немесе тұмауға ұқсас жағдай дамуы мүмкін. Әдетте, оны АИТВ-инфекциясымен ешкім байланыстырмайды. Бұл жағдайда адамның температурасы көтеріледі, әлсіздік, бас ауруы, тамақ ауруы сезінеді. Кейде диарея немесе бөртпе пайда болады. Бұл жағдай әдетте екі аптаға созылады, содан кейін ол жоғалады. Осы бастапқы кезеңде АИТВ-ға тестілеу дұрыс нәтиже бермеуі мүмкін, себебі ағза вирусқа қарсы антиденелерді әлі өндірмеген.
Адам ұзақ уақыт бойы өзін сау сезініп жүреді, бірақ вирусты басқаларға тарата алады. Бұл АИТВ-инфекциясының қулығы.
АИТВ-инфекциясының белгілері міндетті түрде ЖИТС сатысында пайда болады. Белсенді ем болмаса, иммунитет тапшылығы аясында адамда туберкулез, пневмония, ісіктер және басқа аурулар сияқты екінші ретте басқа аурулар дамиды.