1 наурызда әлем нөлдік кемсітушілік күнін атап өтеді.
Бастапқыда бұл күн АИТВ-мен өмір сүретін адамдардың мәселелеріне назар аудару үшін белгіленді. Кемсітушілікке қарсы күннің бастамашысы ЮНЭЙДС болды, идеяны БҰҰ қолдады және бұл дата алғаш рет 2014 жылы атап өтілді. Нөлдік кемсітушілік символына қайта туылу және өзгеру белгісі ретінде көбелек бейнесі таңдалды.
Биыл «Нөлдік кемсітушілік күні» «Әркімнің денсаулығын сақта, әркімнің құқығын қорға!» ұранымен өтуде. Ол қазіргі қоғамды басқа адамдарға толерантты болуға шақырады және әркімнің лайықты толық өмір сүру құқығын еске салады.
Өзіңізді және жақындарыңызды қорғау үшін сіз АИТВ-инфекциясының не екенін, жұқтырмау үшін қандай шаралар қолдануға болатынын білуіңіз керек және қазіргі заманғы медицинаның жетістіктерінің арқасында АИТВ өмір ақырына әкелетін аурудан созылмалы инфекцияға айналғанын есте сақтаңыз. Енді вирусты бақылауда ұстауға болады, бұл АИТВ жұқтырған адамға сапалы өмір сүруге мүмкіндік береді.
Бұл күнді тойлаудың ең жақсы жолы – жұбыңызды немесе досыңызды алып, АИТВ-ға тестілеуден өтуге әкелу.