АИТВ және гепатитке тест тапсырған кезде арнайы дайындалудың қажеті жоқ: тек қан тапсыруға келіңіз. Жалғыз талап – бір күн бұрын майлы, ащы тағамдар мен алкогольді тұтынбау. Биохимиялық қан анализіне қатысты оларды күннің бірінші жартысында және аш қарынға тапсырған жөн.
Қан анализін ЖИТС орталығының процедуралық кабинетінде Анжерская көшесі, 37, дүйсенбіден жұмаға дейін сағат 8.30-дан 15.30-ға дейін тапсыруға болады. АИТВ-ға тестілеу тегін жүргізіледі және нәтижені бір жұмыс күні ішінде алуға болады. Сонымен қатар, сіз вирустық гепатитке ақылы тексеруден өте аласыз және ЖИТС орталығының kar-spid.kz сайтына кіріп, барлық нәтижелерді орталыққа қайта бармай электронды нұсқада ала аласыз.
Егер сіз әлі де АИТВ-статусыңызды білмесеңіз немесе сіздің өміріңізде қауіпті мінез – құлық жағдайы болса – уақытты жоғалтпаңыз, ЖИТС орталығында немесе тұрғылықты жеріңіздегі емханада АИТВ-ға тексеруден өтіңіз.