Қарағанды облыстық ЖИТС орталығының диагностикалық зертханасы АИТВ – инфекциясын диагностикалауға, антиретровирустық терапияға мониторинг жүргізуге, сондай-ақ клиникалық, биохимиялық, иммунологиялық және ПТР зерттеулерінің үлкен спектріне арналған заманауи жабдықтармен жабдықталған.
Бүгінгі таңда барлық зерттеу жұмыстары – зертханалық ақпараттық жүйелерден, пробиркаларды тіркеуден және оларға штрих-код беруден бастап, талдау нәтижелерін алуға дейін автоматтандырылған.
АИТВ – инфекциясын скринингке күн сайын зертханаға облыстың медициналық ұйымдарынан 1500-ге жуық қан үлгілері келіп түседі, сондай-ақ ЖИТС орталығына күн сайын 150-ден 300-ге дейін адам тексеруге келеді.
Бүгінгі күні зертхана АИТВ-ға антиденелер мен антигенді анықтайды, бірақ оң нәтижені растауды Республикалық зертхана жүргізеді.АИТВ-инфекциясының оң нәтижесін растауды одан әрі облыстық ЖИТС орталығы да жасай алады деп үміттенеміз. Бұл түпкілікті нәтиже алу уақытын қысқартып қана қоймай, пациенттерді емдеуді ертерек бастауға мүмкіндік береді.