Қараша айының 20сы бүкіл әлем балалар күнін атап өтеді, бұл – бүкіл әлемдегі балалардың әл-ауқатын қамтамасыз етуге бағытталған іс-шараларға арналған әлемдік бауырластық пен балалардың өзара түсіністік күні. Бұл күн бүкіл әлемге болашақ жас ұрпақтын қолында екенін еске салады. Баланың құқықтарын сақтау және құрметтеу біздің қоғамның қалыптасуына әсер етеді.
Осы күн қарсаңында Қарағанды облыстық ЖИТС орталығы, қабылдауға келген балаларды құттықтап, олармен ойындар мен ойын-сауық сайыстарын өткізді. ЖИТС орталығының мамандары үшін оның жас пациенттері әрқашан басымдылыққа ие. Балалардың денсаулығы Орталық дәрігерлерінің үнемі назарында.
Сондай-ақ, облыстық ЖИТС орталығы АИТВ-инфекциясымен өмір сүретін балаларды тәрбиелеп отырған отбасыларды әлеуметтік қолдауға үлкен мән береді. Мысалы, Жаңа жылға оларға мерекелік сыйлықтар мен азық-түлік жиынтықтары беріледі. Оқу жылының басында оқушыларға жыл сайын кеңсе керек-жарақтары бар оқушылар рюкзактары беріледі.
«Біздің жас пациенттерімізде, әлемдегі барлық балалар сияқты, бақытты балалық шағы және дамуы үшін қажет нәрсенің бәрі болуы керек. Балалар мен жасөспірімдер кез — келген қоғамның ең осал мүшелері екендігі туралы өзімізге есеп бере отырып, біз кішкентай пациенттерімізге мұқият қараймыз, олардың денсаулығын сақтау үшін қолдан келгеннің бәрін жасаймыз, олардың емделуге деген ұмтылысын көтермелейміз, психологиялық және әлеуметтік қолдау көрсетеміз. Осы мереке күні оларға және әлемдегі барлық балаларға бейбіт өмір сүруді, қауіпсіз балалық шақты, сүйіспеншілікке толы отбасы, баспана, жақсы тамақтануды, денсаулық пен білімге қол жеткізуді, көңілді және қуанышты болуды тілеймін, өйткені балалар қиындықсыз және уайымсыз өмір сүруі керек. Әрине, әдепті балалық шақ ересектердің жауапкершілік міндеті екенін ұмытпау керек», – деді ЖИТС орталығының директоры Бейбіт Сагимбаев.