2022 жылғы 14-15 қарашада Қарағанды қаласының медицина университетінің базасында «Медицина саласындағы тиімді коммуникациялар» тақырыбында облыстық семинар-тренинг өтті. Қарағанды облысының медицина қызметкерлері пациенттермен жанжалды жағдайларды шешу әдістерімен және пациентке бағдарланған қарым-қатынас дағдыларымен танысты. Сонымен қатар, семинарда пациенттерді қолдау және ішкі бақылау қызметкерлеріне арналған коммуникация стандарттары мен пациенттермен қарым-қатынас сөйлеу модульдері ұсынылды. Семинар барысында медицина қызметкерлерімен тест тапсырмаларының нәтижелерін талқылау, қателерді анықтау және түзету, туындаған мәселелерді одан әрі талқылау жүргізілді. Алынған білім медицина қызметкерлеріне пациенттермен қарым-қатынас кезінде коммуникацияның тиімділігін арттыруға мүмкіндік береді.
