Өйткені, масалардың ішінде вирус өледі. АИТВ масалардың ішегінде көбейе алмайды, сондықтан жойылады. Адамдарда АИТВ CD4+ жасушаларын зақымдайды және сол клеткада көбейе бастайды. Масаның ішегінде бұл маркері бар жасушалар жоқ. Осылайша, АИТВ бөлшектері қанмен бірге масалар ішегінде қорытылады және вирус толығымен өледі. Сонымен қатар, масалардың ауыз қуысының құрылымына байланысты маса шаққанда адамның қаны басқа адамның қанына түсе алмайды.
Тіпті біреу гипотетикалық түрде маса адамға АИТВ-оң қанды енгізеді деп елестетсе де (бұл мүмкін емес), АИТВ-тің бір бірлігін беру үшін он миллион маса шағуы керек еді.
Адамның иммун тапшылығы вирусы тек адам ағзасында өмір сүріп, көбейе алады, сондықтан жануарлар мен жәндіктер АИТВ жұқтыра алмайды.