Жастардың АИТВ және қажетті сақтық шаралары туралы білім деңгейін арттыруда профилактикалық лекциялардың маңызы зор. Сондықтан да Қарағанды облыстық ЖИТС орталығының профилактикалық бөлімшесінің жұмысы тұрғысынан колледж және ЖОО студенттерімен кездесулер басты назарда.
ЖИТС орталығының маманы Г.Усманова Қарағанды шет тілдер колледжінде кездесу өткізіп, жиналғандарға АИТВ-ның ерекшеліктерін, ЖИТС-тен айырмашылығын, таралу жолдарын, алдын алу шараларын түсіндірді. Маман жастармен тілдесу барысында ақпарат беріп қана қоймай, студенттердің қарастырылып отырған тақырып бойынша өздерін қызықтыратын сұрақтарын қоюдан тартынбауы үшін сенім атмосферасын қалыптастыруға тырысты.
Жиын соңында маман Г.Усманова әрбір адам өзінің АИТВ-статусын білуі керектігін, оны ЖИТС орталығында немесе кез келген емханада тест тапсыру арқылы білуге болатынын баса айтты.
АИТВ бойынша дәріс тыңдаушылары 63 адамды құрады.